Unha ruta circular de 10 quilómetros permitirá descubrir os segredos do regato de San Pedro de Nós

O regato de San Pedro de Nós será o protagonista de dúas rutas de sendeirismo interpretativo organizadas polo Concello de Oleiros para os próximos domingo 22 e sábado 28 de novembro. A iniciativa permitirá descubrir os valores naturais e culturais deste contorno a través dun percorrido circular de 10 quilómetros.
Durante a actividade, as persoas participantes realizarán diferentes paradas para coñecer os segredos que agocha o sendeiro do regato de Nós, desde a súa biodiversidade ata a súa historia e a importancia deste espazo como patrimonio natural e cultural. A ruta terá unha duración aproximada de catro horas.
As persoas interesadas en participar deberán cubrir o formulario de inscrición en liña. As prazas son limitadas e asignaranse por rigorosa orde de inscrición.
As persoas admitidas recibirán un correo electrónico de confirmación no que se lles indicará o punto de encontro para iniciar o percorrido.