Un obradoiro gratuíto ensinará exercicios para coidar o chan pélvico en Vilarmaior
A Casa da Cultura de Vilarmaior acollerá no mes de xuño un obradoiro gratuíto centrado no coidado do chan pélvico e na práctica de exercicios hipopresivos. A proposta está dirixida a persoas interesadas en mellorar o seu benestar físico e en coñecer ferramentas sinxelas para fortalecer esta zona do corpo.
Durante as sesións explicarase como determinados movementos, exercicios e hábitos posturais poden influír na saúde do chan pélvico, unha musculatura clave para previr problemas como as incontinencias e favorecer unha mellor calidade de vida.
As persoas participantes tamén coñecerán os beneficios dos exercicios hipopresivos e aprenderán a realizar exercicios de Kegel, recomendados para reforzar esta musculatura. O programa incluirá ademais unha pequena parte práctica para aplicar os coñecementos adquiridos durante o obradoiro.
A actividade celebrarase os mércores 3, 10 e 17 de xuño. A primeira sesión, o día 3, será de 16.00 a 18.00 horas, mentres que as dos días 10 e 17 terán lugar de 16.00 a 17.00 horas. A participación é de balde, pero será necesario inscribirse previamente nos Servizos Sociais Comunitarios. O prazo para anotarse permanecerá aberto ata o 29 de maio.