Culleredo arranca os seus campamentos xuvenís con medio centenar de prazas de deportes acuáticos e alternativos
O Concello de Culleredo iniciou este luns a súa programación de campamentos de verán dirixidos especificamente ao público xuvenil cun total de 54 mozos a partir dos 12 anos que participan nestas actividades municipais centradas na práctica de deportes alternativos e náuticos en diferentes localizacións da comarca
O polideportivo Ría do Burgo funciona como base de operacións dun programa dividido en dúas modalidades onde a opción de Deportes Alternativos acolle a 30 mozos de entre 12 e 14 anos con actividades de kaiak ou excursións ao Aquapark de Cerceda mentres que o Campamento H2O está deseñado para 24 participantes de 14 a 18 anos cunha oferta enfocada en modalidades como surf, paddle surf, kaiak e skate
O inicio destas dúas alternativas xuvenís que buscan propor unha opción de ocio saudable coincide coa posta en marcha dos servizos habituais de conciliación do municipio denominados Mañás de Campamento que están enfocados na poboación infantil de 3 a 12 anos e que manterán a súa actividade durante os meses de xullo e agosto