Un plan de modernización dixital modificará o sinal de televisión de 1.400 veciños en Curtis
O mapa da televisión dixital terrestre afronta unha importante variación técnica no interior provincial co obxectivo de acadar unha maior calidade de recepción e previr distorsións no sinal. A Xunta de Galicia comunicou formalmente ao Concello de Curtis o inicio inminente duns traballos de axuste tecnolóxico que se van executar este luns 13 de xullo na estación de extensión de cobertura situada en Teixeiro.
A intervención técnica na instalación consiste no apagamento inmediato dunha das frecuencias fundamentais que daba soporte a varios espazos de emisión en alta definición. Con esta manobra búscase limpar o espazo radioeléctrico e evitar cruzamentos de frecuencias ou fallos na imaxe antes de que se implante de xeito definitivo a nova distribución das operadoras nacionais e autonómicas.
Según as estimacións facilitadas pola administración autonómica, os labores afectarán de xeito directo a preto de 1.400 veciños residentes no termo municipal de Curtis, localizándose a maior parte dos usuarios no núcleo urbano de Teixeiro. O reaxuste final de toda a grella televisiva culminará o vindeiro 5 de novembro, data na que todas as firmas audiovisuales quedarán reorganizadas por completo nos seus novos espazos radioeléctricos.
Para solucionar calquera incidencia de sintonización ou dúbida sobre a calidade da cobertura na zona, a veciñanza ten á súa disposición o número telefónico de atención 881 866 388 e tamén a plataforma web tdtgalicia.gal para revisar de forma particular a situación técnica de cada vivenda.