Un corte de auga afectará mañá a varias zonas de Ordes
Varias zonas de Ordes quedarán mañá martes, 26 de maio, sen subministro de auga potable durante cinco horas. O corte está previsto entre as 8.00 e as 13.00 horas e afectará tanto a áreas residenciais como a espazos de actividade económica.
A interrupción do servizo producirase no Polígono Industrial, na avenida Alfonso Senra ata o número 14 nos números pares e nos lugares de Mesón de Deus, Fonte Estrey, Merelle, Reboredo, Os Corbelles, O Conde e Queirua.
A medida responde a unha actuación puntual na rede de abastecemento, polo que se recomenda ás persoas residentes, negocios e empresas das zonas afectadas que teñan en conta o horario previsto e organicen con antelación as súas necesidades de consumo.
O servizo de auga debería quedar restablecido ao longo da xornada, unha vez rematen os traballos programados. Para consultas, habilítanse os teléfonos 981 68 06 11 e 609 56 05 82.