Sada pon en marcha un programa pioneiro nos institutos que atende necesidades dos adolescentes
O Concello de Sada, a través da concellería de Educación, pon en funcionamento no IES de Mosteirón talleres para adolescentes enfocados en habilidades sociais, xestión emocional, xestión de redes sociais e outros problemas comúns da mocidade que poden necesitar intervención.
Este programa nace da inquietude de familias e profesorado ante os adolescentes de entre 12 e 16 anos que teñen dificultades para xestionar as súas emocioneso controlar comportamentos impulsivos, problemáticas sobre todo no ámbito social.
Neste sentido, o programa xurde como unha resposta integral ás demandas emocionais, sociais e dixitais que enfrontan os nosos estudantes na actualidade e estrutúrase en doce sesións, que terán lugar una vez á semana, nas que se levan a cabo distintas actividades colectivas nun ambiente seguro e de confianza onde a mocidade se sinta escoitada e poida reflexionar acerca de temas que lles preocupan
Cada módulo dos talleres foi coidadosamente deseñado para fomentar un desenvolvemento positivo e equilibrado, abordando os aspectos cruciais da adolescencia.
“A adolescencia é unha etapa ponte hacia a idade adulta e precisan ferramentas para aprender a acoplarse no ámbito social” ” sinala a concelleira Rebeca Mouriño quen está convencida que esta iniciativa “contribuir a fortalecer benestar emocional dos nosos estudantes”