Os vehículos agrícolas poderán pasar a ITV nunha unidade móbil que percorrerá Vilarmaior en outubro
Unha unidade móbil de inspección técnica de vehículos agrícolas desprazarase durante o mes de outubro a Vilarmaior para facilitar á veciñanza a realización das revisións sen necesidade de trasladarse a outro municipio.
O servizo contará con dous puntos de atención. A primeira parada será na explanada situada xunto á igrexa de Grandal, onde a unidade estará os días 8, 9 e 13 de outubro. O horario será de 9.00 a 13.30 horas e de 15.15 a 18.00 horas.
A continuación, as inspeccións trasladaranse á explanada da igrexa de Vilarmaior. Neste punto, a unidade atenderá os días 14 e 15 de outubro, nos mesmos horarios de mañá e tarde. O 16 de outubro haberá unha última xornada, aínda que só durante a mañá, de 9.00 a 13.30 horas.
Como solicitar cita
Para poder realizar a inspección será imprescindible solicitar cita previa. As reservas poderán facerse por teléfono, no número 981 92 80 80, ou a través de internet mediante o servizo de cita previa de Sycitv.
O calendario permitirá así concentrar as revisións dos vehículos agrícolas en diferentes xornadas e achegar este servizo directamente á veciñanza do municipio.