Os concellos da AP-9 pedirán mañá en Abegondo o cobro do 100% do IBI
O día de mañá celebrárase en Abegondo unha reunión dos municipios de Galicia afectados polo paso da autoestrada AP-9 para lograr a cobranza do 100% do Imposto sobre Bens Inmobles (IBI). A cita celebrárase ás 12.00 horas na Casa do Concello de Abegondo.
A acción impulsada polo Concello de Abegondo, convocou aos 33 concellos das provincias da Coruña e Pontevedra polos que discorre a infraestrutura. Ao encontro acudirá o equipo xurídico dun despacho de avogados especializados na materia de tributos locais, e que xa realizou un estudo previo favorable sobre a viabilidade de que os concellos recaden o 100% do IBI, fronte á exención do 95% actual que procede dunha lei de 1972.
A cobranza do 100% do imposto supoñería unha gran inxección económica para os concellos. No caso de Abegondo, serían 595.000 euros ao ano os que se recadarían, fronte aos 29.771,04 euros que se percibe actualmente. O municipio é un dos máis afectados ao albergar 20 quilómetros de calzada, peaxes e outras dependencias.