O PP da Coruña asegura que os resultados das eleccións europeas acheganlles a acadar a maioría absoluta
O Grupo Popular da Coruña destaca que os resultados das eleccións europeas deixan ao seu portavoz e candidato á Alcaldía, Miguel Lorenzo, ao bordo da maioría absoluta que lle daría a Alcaldía da cidade.
Miguel Lorenzo agradece a cargos, afiliados e simpatizantes do Partido Popular o traballo realizado nesta campaña electoral, con reparticións e percorridos diarios por todos os barrios, o que permitiu lograr este magnífico resultado.
O PP obtivo o 40,03% dos votos, 11 puntos máis que un Partido Socialista que non chegou ao trinta por cen (29,17%), e logrou 11.229 votos máis que a candidatura apoiada por Inés Rey (41.369 fronte a 30.140 votos).
Extrapolando os resultados das eleccións celebradas onte, o Partido Popular lograría 13 concelleiros, un máis que na actualidade, e a só un dos 14 que lle permitirían ser Alcalde da nosa cidade. Inés Rey, pola súa banda, perdería dous dos seus concelleiros actuais, baixando a 9.
Estes resultados confirman as últimas enquisas publicadas por mor do primeiro ano do actual mandato municipal, que recollen un claro incremento da estimación de voto para a candidatura Popular e un notable descenso do apoio á alcaldesa.
As eleccións europeas supoñen unha lombeirada para o “estilo Lorenzo”, de proximidade, empatía, a pé de rúa, escoita activa e diálogo cos veciños, e un novo descenso no apoio cidadán ao “estilo Inés Rey”, un alcaldesa que non pisa os barrios, que non dialoga e que non ten unha folla de roteiro nin un proxecto de futuro para a cidade.