O Pleno de Curtis aproba suprimir o rexistro dos galiñeiros de autonsumo
Na sesión plenaria ordinaria celebrada este venres 12 de abril no Concello de Curtis aprobouse a proposta para suprimir o rexistro dos galiñeiros de autonsumo solo cos votos a favor do Partido Popular.
Durante o Pleno, deuse conta do informe de liquidación do orzamento do ano 2023. Nel, exponse que o concello pecha a conta anual con máis de 11 millóns de euros e cun remanente positivo de máis de 2 millóns e medio de euros.
Por outra banda, o BNG abstívose na proposta sobre os galiñeiros de autoconsumo así como na modificación da base 35 das bases de execución do Orzamento 2024 para incorporar unha nova subvención nominativa para a Fundación para a Promoción Tecnolóxica e Industrial da Coruña e da súa Área de Influencia.
Ademais, aprobouse por unanimidade a modificación puntual no 2 da relación de postos de traballo, a transferencia de crédito entre distintas áreas de gasto e o recoñecemento extraxudicial de crédito 1/2024.