O cullerdense Daniel Sánchez Seijo, gañador dun prestioxo certame de guitarra
O alcalde de Culleredo, José Ramón Rioboo, xunto coa primeira tenente de alcalde e concelleira de Educación, Cristina Pardo, recoñeceron esta tarde o mérito ao alumno do Conservatorio Municipal de Música de Culleredo Daniel Sánchez Seijo, que se proclamou vencedor na súa categoría, de 13 a 15 anos, na 12ª edición do Concurso de Interpretación Musical José Luis Lopátegui celebrado en Barcelona este mes de novembro e do Concurso Francisco Calleja de Logroño o pasado marzo.
A súa especialidade, guitarra, levoulle a alzarse cun dos galardóns máis relevantes da rede de conservatorios a nivel España. Esta tarde quixo acompañarlle tamén Marcos Seoane, director do Conservatorio Municipal de Música de Culleredo.
Daniel ten 15 anos e estuda guitarra desde os 8. A súa paixón pola guitarra lévalle a practicar a diario e poñer todo o seu afán baixo os ensinos do seu profesor Salvador.
“Queremos felicitar a Daniel non só pola consecución dun premio de gran relevancia a nivel nacional, senón tamén por levar o nome de Culleredo e o seu Conservatorio todo o máis alto ao longo e ancho da xeografía española. O noso Conservatorio Municipal é un centro de referencia a nivel comarca, e proba diso é a gran canteira que temos aquí”, admitiu o alcalde, José Ramón Rioboo.