O Concello de Bergondo organiza unha excusión a Ponferrada e Molinaseca
O Concello de Bergondo, no marco da súa programación de viaxes socioculturais para veciñas e veciños de municipio, organiza o próximo día 11 de maio unha saída a Ponferrada e Molinaseca.
A viaxe está dirixida a calquera residente maior de 18 anos (os menores poderán apuntarse sempre que vaian acompañados dun adulto), a expedición partirá da Casa do Concello bergondesa ás 8.00 horas, e regresará sobre as 22.00 dese mesmo día.
Dnetro do itinerario contémplase a visita ao Castillo dos Templarios, unha fortaleza de orixe prehistórica e que está considerado como un dos máis notables do noroeste de España, sendo declarado como Ben de Interese Cultural (BIC) e Monumento Nacional hai un século (1924). Ademais, tamén se poderá pasear polos centros históricos das dúas poboacións leonesas.
O período de inscrición ábrese hoxe, martes 16 de abril, e estará aberto ata o mércores 17. Para inscribirse, as persoas interesadas deberán chamar ao 981 791 252 ext.7 ou encher o seguinte formulario. No caso de que haxa máis solicitudes que prazas, este venres, 19 de abril, realizarase un sorteo ás 10.30 horas na Casa dá Cultura. O prezo da viaxe é de 20 euros e o pago deberá realizarse entre os días 25 e 26 de abril.