Culleredo oferta catro cursos sociosanitarios para personas desempleadas
O Concello de Culleredo oferta medio centenar de prazas en catro acciones formativas relacionadas co ámbito sociosanitario. Concretamente, desde o mes de maio e ata xullo impartiranse cursos relacionados coa intervención a persoas con Alzhéimer, os coidados paliativos, as técnicas de mobilización de persoas dependentes e as lesións cutáneas.
A iniciativa, dirixida preferentemente a veciños e veciñas de Culleredo que estean en situación de desemprego, pretende capacitar ás persoas para o desempeño destas profesións, favorecendo a súa formación e mellorando as súas aptitudes profesionais.
As accións formativas, que se desenvolverán nas instalacións o Centro Municipal de Formación e Emprego “Pablo Picasso” en horario de 9.30 e 13.30 horas, son as seguintes:
- “Técnicas de mobilización, deambulación e traslado de usuarios/as dependentes e principais lesións no/o coidador/para asociadas ao sobreesforzo muscular e/o mala praxe”. Terá unha duración de 20 horas e ofértanse 10 prazas. Está previsto que comece o 20 de maio e que finalice o 24 do mesmo mes.
- “Enfermidade de Alzheimer: descrición e estratexias de intervención”. Celebraranse dúas edicións, nas que se ofertan 10 prazas en cada un para un total de 80 horas de formación. A primeira formación desenvolverase entre o 27 de maio e o 7 de xuño, mentres que a segunda terá lugar entre o 10 e o 21 de xuño.
- “Nocións elementais sobre a prevención e abordaxe das lesións cutáneas asociadas á humidade”. Celebrarase entre o 25 de xuño e o 1 e xullo. Ofértanse un total de 10 prazas.
- “Coidados paliativos”. Última das accións formativas previstas, está previsto que de inicio o 2 de xullo e termine o 8 do mesmo mes. Do mesmo xeito que os anteriores, consta de 20 horas de formación e unha capacidade para 10 alumnos ou alumnas.
O prazo de preinscrición para estas formacións abrirase o vindeiro luns, 15 de abril, nun formulario web na páxina do Concello de Culleredo. A asignación de prazas realizarase por rigorosa orde de preinscrición a condición de que se cumpra cos requisitos mínimos para acceder. As listas provisionais e definitivas poderán consultarse no taboleiro de anuncios municipal.
O concelleiro de Dinamización Social, Juan Carlos Iglesias, subliña a aposta que o Concello de Culleredo realiza pola formación nun ámbito tan importante como o sociosanitario. “Este ano incrementamos a variedade da oferta nestes cursos, moi demandados polos veciños e veciñas de Culleredo e que axudan a mellorar as súas capacidades profesionais”, afirma.