Culleredo é dos municipios co gasto por habitante máis baixos de Galicia
O Partido Popular de Culleredo denuncia que o municipio é dos máis baixos de Galicia en gasto por habitante e da área xunto o Concello de Cambre, con 50 e 49 euros de gasto respectivamente. Así o abala a súa portavoz municipal, Izaskun García, que analizou os datos sobre o gasto en investimentos per cápita no 2023, tanto de Culleredo como doutros concellos da área e de número de habitantes similar.
“Os datos de Culleredo son vergoñosos. Apenas chegamos aos 50 euros de gasto por habitante, cando a media en Galicia é de 138 euros e na provincia da Coruña de 145 euros. Datos máis que significativos do pouco ou nada que se traballa neste goberno local, incapaz de aproveitar os seus propios medios ou os que outras administracións, como a Deputación ou os fondos europeos, proporciónanlles”, recalca a líder popular.
Os populares fan especial fincapé na enorme diferenza de datos con concellos análogos en habitantes e situación xeográfica como Arteixo, no que o gasto é 273 euros, Oleiros con 466 euros e Carballo con 244 euros. “E non falemos xa de concellos cun terzo ou menos dos nosos habitantes e que multiplican por 4 ou por 5 o noso nivel de investimento, como Coristanco, con 450 euros, Abegondo con 315 euros e Bergondo con 348 euros ”.
O partido insite en que: “O alcalde Rioboo e o seu equipo deberían avergoñarse destes datos e poñerse dunha vez para traballar para reverter esta situación, que tiveron 4 anos de maioría absolutista para non facer practicamente nada, aí están as cifras, non teñen escusa”. Ademais, reiteran tamén a pouca ou nula vontade do señor alcalde para negociar ningún acordo de investimento coa oposición.