Culleredo celebra o 8M cun encontro feminista no Xardín Botánico do Burgo
O Concello de Culleredo conmemorou esta mañá o Día Internacional da Muller, 8 de marzo, cun encontro feminista no Xardín Botánico do Burgo.
O encontro celebrouse ás 12.00 horas desta venres, e nel déronse cita na aula de Natureza Juan Lembeye Pilar Iglesias, de As Berenguelas; Ana Mato, de Alcer; Alba Montero, de ANHIDA; Fátima Anllo, de Alma; Aisbeth Millán, de ONG Mestura; Lucía Sánchez e Cristina Campos, de Asociación Presencia Xitana; Ana González, de Asociación TP Galicia e Fátima Uzal, do CIM de Culleredo.
Durante o mesmo, debateuse con perspectiva de xénero sobre a realidade da muller na actualidade con diferentes condicións e dobre discriminación. Todas e cada unha das que interviñeron fixérono a través das súas propias vivencias, tanto persoais como persoais.
Nun acto aberto ao público, o obxectivo principal foi establecer unha conversación coa participación tanto das relatoras como do público para unha igualdade real e efectiva, entre homes e mulleres en todos os ámbitos da vida e para todas as condicións.
Ademais, tamén estiveron presentes no encontro a primeira tenente de alcalde e concelleira de Educación, Cristina Pardo; a concelleira de Cultura, Penélope López; a edila de Cohesión Social, Marta Figueroa; o concelleiro de Comercio, Mario Iglesias; e o edil de Obras, Carlos Liñares.