Arteixo celebra a súa Feira de Oportunidades esta fin de semana
Arteixo celebra esta fin de semana, do venres 1 ao domingo 3 de marzo a súa Feira de Oportunidades no Campo da Festa.
Esta Feira está organizada polo Centro Comercial Aberto de Arteixo (Arteixo CCA) e respaldada polo Concello. Nela pode participar calquera comercio do municipio de Arteixo, e acoden como visitantes consumidores de toda a comarca.
Na Feira de Oportunidades os visitantes poderán atopar establecementos de todos os sectores: moda, calzado, complementos, roupa íntima, menaxe de fogar e informática, entre outros.
Haberá espectáculos de baile protagonizados pola Escola de Baile Tempo 154 e a Escola de Baile Tropicalia , sorteos e unha sesión vermú da man do músico Iván Gámez.
Neste sentido o programa para este tres días de compras e lecer é o seguinte:
O venres 1 de marzo inaugurárase a feira ás 16.30 horas. Logo haberá unha actuación a cargo da Escola de Baile Tempo 154 ás 17.00 horas e un concerto do alumnado da Escola de Música Entresons. A primeira xornada concluirá ás 21.00 horas.
O sábado 2 de marzo a feira volverá a abrir as súas portas as 10.00 horas e as 13.00 terá unha sesión vermú da man de Iván Gámez. O recinto estará aberto ata as 21.00 horas.
Por último, o domingo 3 de marzo volverá a abrir ás 11.00 horas e ás 18.00 da tarde terá unha actuación da escola de Baile Tropicalia. Ás 19.00 será o concurso de racing de compras e as 20.30 horas poñerase punto e final á feira deste 2024.