Apoio municipal para 29 deportistas individuais en Ordes
O Concello de Ordes aprobou a relación definitiva de solicitudes admitidas para a concesión das bolsas a deportistas individuais correspondentes ao ano 2026. En total, son 29 as persoas que continúan no procedemento, despois de que non se presentasen alegacións á listaxe provisional publicada no taboleiro da sede electrónica municipal.
A convocatoria, publicada no BOP o pasado 12 de febreiro, ten como obxectivo apoiar a actividade de deportistas do municipio que compiten de maneira individual, contribuíndo aos gastos derivados da súa preparación e participación en competicións.
A aprobación definitiva foi acordada pola Xunta de Goberno Local na sesión ordinaria do 15 de maio. O expediente saíu adiante por maioría, con cinco votos favorables, dentro das competencias delegadas pola Alcaldía.
O Concello confirmou ademais que non hai solicitudes excluídas, polo que todas as presentadas e admitidas provisionalmente continúan agora no proceso de concesión das axudas.