A Garda Civil leva a Curtis unha charla con consellos para mellorar a seguridade diaria
A veciñanza de Curtis poderá participar este luns 25 de maio nunha charla de seguridade cidadá impartida pola Garda Civil, unha sesión pensada para achegar recomendacións prácticas que axuden a previr situacións de risco e reforzar a protección no día a día.
O encontro desenvolverase ás 16.00 horas no salón de actos das oficinas municipais de Curtis e estará aberto á participación da veciñanza. A actividade busca ofrecer información útil sobre hábitos de autoprotección, prevención de delitos e pautas básicas de actuación ante posibles incidencias.
A iniciativa dá continuidade ás accións informativas promovidas no municipio arredor da seguridade cidadá, despois da sesión celebrada tamén este mes en Teixeiro. O obxectivo é achegar á poboación ferramentas sinxelas para mellorar a súa seguridade e resolver dúbidas directamente con persoal da Garda Civil.