A exposición 'Dinosauria Experience' volve a Expocoruña
A fin de semana do 3 ao 4 de febreiro o recinto feiral de Expocoruña acollerá un ano máis a exposición 'Dinosauria Experience' que tras o seu paso por Lugo o sábado 27 e o domingo 28 aterra na cidade herculina.
A organización do evento anima ás familias con nenos a gozar desta exposición interactiva con réplicas animatrónicas con movemento real destas criaturas prehistóricas que se extinguiron do planeta Terra fai máis de 65 millóns de anos. Desde o impoñente T-Rex ata o Brachiosaurus, de máis de 10 metros, un bo plan para pasar o sábado ou o domingo entre estes amigos prehistóricos.
O horario de visita da exposición será de 11.00 a 14.00 horas e de 17.00 a 20.00 horas. E o prezo das entradas será de 10 euros para os adultos e 6 euros para nenos de entre 3 e 12 anos.