Sete sábados de espectáculos familiares para despedir o verán en Marineda City
Marineda City recupera este sábado, 12 de setembro, a súa programación de Marineda Kids, unha proposta pensada para que as familias poidan gozar de diferentes espectáculos de maneira gratuíta durante as fins de semana de setembro e outubro.
A programación estará formada por sete actuacións de teatro, humor, música e maxia, que se celebrarán todos os sábados ata o 24 de outubro. As funcións comezarán ás 17.00 horas na planta 2 do centro comercial e estarán especialmente dirixidas a nenos e nenas de entre 6 e 12 anos.
A primeira cita será este sábado coa actuación de Brais das Hortas, que presentará 'Consertasso na horta', un espectáculo musical co que se dará o pistoletazo de saída a esta nova edición de Marineda Kids.
O calendario continuará o 19 de setembro co Mago Noel e o seu espectáculo 'Qué curioso!', unha proposta que combina maxia, circo e teatro. Unha semana despois, o 26 de setembro, será a quenda de A Cova das Letras, que levará ao escenario 'Costureiriña bonita', unha montaxe que mestura o xogo e a lembranza doutros tempos.
A programación continuará durante todo outubro
A proposta familiar prolongarase durante as catro semanas de outubro. O 3 de outubro, Os Jalochos presentarán 'A landra viaxeira e o amigo lambón', unha aventura musical por diferentes lugares de Galicia.
O 10 de outubro será a quenda de O Bandullo Azul, coa proposta 'Miro e a música das cousas', que combina narración oral, teatro, marionetas e música en directo.
A programación continuará o 17 de outubro con Pulpiño Viascón e 'O sombreiro máxico', un espectáculo baseado no humor, as cancións e a imaxinación.
A última cita será o 24 de outubro, cando Peter Punk poña o punto final a esta edición con 'Con lingua propia', unha proposta que combina humor, retranca, trabalinguas, xogos e malabares.
Deste xeito, Marineda Kids ofrecerá durante sete sábados consecutivos unha alternativa de lecer familiar baseada en espectáculos en directo e con acceso gratuíto, cunha programación especialmente pensada para o público infantil.
Todas as actuacións serán ás 17.00 horas, na planta 2 de Marineda City:
- 12 de setembro: Brais das Hortas, 'Consertasso na horta'
- 19 de setembro: Mago Noel, 'Qué curioso!'
- 26 de setembro: A Cova das Letras, 'Costureiriña bonita'
- 3 de outubro: Os Jalochos, 'A landra viaxeira e o amigo lambón'
- 10 de outubro: O Bandullo Azul, 'Miro e a música das cousas'
- 17 de outubro: Pulpiño Viascón, 'O sombreiro máxico'
- 24 de outubro: Peter Punk, 'Con lingua propia'