Recollen doazóns de sangue o luns 20 de xaneiro en Cambre
Unha unidade móbil da Axencia de Doazón de Órganos e Sangue (ADOS) visitará Cambre o vindeiro luns, 20 de xaneiro, para recoller doazóns de sangue. O autobús estará situado diante da Casa do Concello e permanecerá operativo en horario de 10:00 a 14:00 horas pola mañá, e de 16:00 a 21:00 horas pola tarde.
As persoas interesadas en doar sangue deben acudir despois de almorzar e, no caso de xantar, esperar polo menos dúas horas. É imprescindible levar a tarxeta de doazón, DNI ou outro documento similar para identificarse. Ademais, recoméndase informar ao persoal médico se se está a tomar algún medicamento.
A doazón de sangue é un acto solidario que pode salvar vidas, polo que se anima a todas as persoas maiores de 18 anos e cun peso superior a 50 kg a colaborar nesta campaña.
