Sociedade

Unha unidade móbil da Axencia de Doazón de Órganos e Sangue estará no centro da vila o luns 9 de decembro para recoller doazóns

A unidade móbil de doazón de sangue desprazarase a Oza-Cesuras o luns, 9 de decembro, para facilitar ás veciñas e veciños a posibilidade de colaborar coa doazón de sangue. A unidade estará situada diante da Farmacia, na zona central da localidade.

O horario de recollida será de 16:00 a 21:00 horas, permitindo que moitos cidadáns poidan achegarse a doar sangue durante a tarde.

Lembran que para realizar a doazón é necesario levar a tarxeta de doazón, o DNI ou un documento identificativo similar. A doazón de sangue é fundamental para garantir as reservas nos hospitais e asegurar que se teñan os recursos necesarios para atender a posibles urxencias.