Sociedade

Poesía, música e pintura únense nunha velada multidisciplinar aberta ao público na Coruña

Este venres, 20 de decembro, ás 20:00 horas, Portas Ártabras será o escenario do recital multidisciplinar “De amor e morte”, organizado polo Grupo Ouriol para conmemorar os seus 20 anos de actividade creativa. O evento combinará poesía, música e artes visuais nunha celebración especial aberta ao público.

A velada contará coa música de Bernardo Martínez e Fito Ares, coa imaxe artística de Alfonso Costa e coa recitación a cargo de Eva Veiga. Poemas de diversos autores e autoras darán vida a este encontro cultural, que reflicte o compromiso do Grupo Ouriol coa expresión artística en todas as súas formas.

O evento terá lugar no espazo cultural Portas Ártabras, situado na Rúa Sinagoga, 22, en A Coruña. A entrada será libre ata completar aforo.