Peche temporal do parque e da pista multideporte do Campo da Feira de Ordes por labores de mantemento

As instalacións permanecerán inoperativas o luns 11 de agosto para finalizar os traballos de limpeza, aproveitando a previsión de bo tempo

O Concello de Ordes informa de que o vindeiro luns 11 de agosto se acometerá a fase final dos traballos de mantemento e limpeza no parque e na pista multideporte situados no Campo da Feira. Estes labores realizaranse coincidindo coas favorables condicións meteorolóxicas previstas para esa xornada.

Debido a estas tarefas de posta a punto, as dúas instalacións estarán pechadas durante todo o día. Dende o Concello piden comprensión á veciñanza polas molestias que esta medida poida ocasionar, lembrando que se trata dunha actuación necesaria para garantir o bo estado e seguridade das áreas recreativas.