Oza-Cesuras celebrará Fin de Ano cunha gran festa no Local Social de Cines
A Comisión de Festas de Oza organiza unha gran festa de Fin de Ano no Local Social de Cines, onde veciños e visitantes poderán despedir o 2024 nun ambiente festivo e cheo de sorpresas. O evento comezará ás 21:00 horas do 31 de decembro e contará cun completo programa que inclúe música en directo, baile e un menú especial para adultos e nenos.
O menú para adultos inclúe pratos como salpicón de rape e lagostinos, lombo de pescada en salsa de godello e redondo de tenreira en salsa de rioxa, ademais de sobremesas variadas, viños, cava e outras bebidas. Para os máis pequenos, haberá pratos adaptados como milanesa de polo, croquetas e pizza, ademais de sobremesas e cava infantil para brindar xunto ás súas familias.
A música correrá a cargo do Dúo Crazy, que animará a noite con actuacións en directo, e despois das badaladas, haberá entrada libre para quen queira unirse á festa e gozar dun chocolate con churros para recibir o novo ano.
O aforo para a cea é limitado, polo que a organización lembra que as reservas e o pago deben realizarse antes do 15 de decembro a través das redes sociais ou contactando cos membros da Comisión Oza 25’. Os prezos son de 85 euros para adultos e 30 euros para nenos.
Esta gran festa promete ser unha ocasión inesquecible para celebrar a chegada do 2024 rodeados de amigos e familia, con moita música, baile e boa comida.