Sociedade

Unha tarde máxica con hinchables, obradoiros, música e merenda para toda a familia

O Concello de Oza-Cesuras prepárase para recibir ás Súas Maxestades os Reis Magos cunha gran festa no Pavillón de Dordaño este 5 de xaneiro. Entre as 17:00 e as 20:00 horas, nenos e nenas, xunto coas súas familias, poderán desfrutar dunha tarde inesquecible.

A programación inclúe hinchables para xogar e saltar, obradoiros creativos, unha merenda para repoñer forzas e música para alegrar a xornada. Desde o Concello invitan a toda a veciñanza a participar neste evento pensado para compartir momentos de ilusión e diversión.