Os campamentos de Nadal do Concello de Curtis abren o prazo de inscrición o 9 de decembro
Este Nadal, a Área de Igualdade do Concello de Curtis, a través do CIM Curtis, organiza os seus tradicionais campamentos de Nadal para facilitar a conciliación familiar durante as festas. O prazo de inscrición abrirase o 9 de decembro e pechará o día 18 do mesmo mes, ofrecendo prazas limitadas con prioridade para familias empadroadas, con proxenitores traballando e por orde de inscrición.
Os campamentos levaranse a cabo nos centros de ocio de Curtis e Teixeiro os días 23, 24, 26, 27, 30 e 31 de decembro, así como o 2, 3 e 7 de xaneiro. O horario será de 8:00 a 14:00 horas, cun custo de 20 euros por asistente. O pago deberá realizarse no número de conta: ES47 2080 0081 1831 1000 0048.
A inscrición poderá realizarse a través da sede electrónica do Concello, presencialmente na Casa do Concello en Teixeiro ou nas oficinas municipais de Curtis. Ademais, as follas de inscrición e a información detallada serán distribuídas nos colexios do municipio. A ficha de inscrición tamén está dispoñible para descarga na web oficial do Concello.
O Concello de Curtis anima ás familias a participar desta iniciativa, que busca facilitar a conciliación familiar e ofrecer un espazo de aprendizaxe e diversión para os máis pequenos durante as vacacións de Nadal.