Sociedade | Asociacións

Organizado por Fegadem e ACEM, a sesión estará dirixida pola psicóloga e sexóloga Sonia Martínez

O próximo xoves 12 de decembro ás 16:30 horas, o salón de actos do Centro Cívico San Diego de A Coruña acollerá un "Taller de Educación Afectivo-Sexual para Persoas con Esclerose Múltiple". A iniciativa está organizada pola Federación Galega de Esclerose Múltiple (Fegadem) en colaboración coa Asociación Coruñesa de Esclerose Múltiple (ACEM), e será impartida pola psicóloga e sexóloga Sonia Martínez.

O obxectivo deste taller é abordar aspectos emocionais e sexuais asociados á esclerose múltiple, ofrecendo ferramentas para mellorar o benestar persoal e as relacións interpersoais das persoas que conviven con esta enfermidade.

As inscricións están abertas e poden realizarse a través das seguintes vías:

• Cumprimentando o formulario online dispoñible aquí.
• Chamando aos teléfonos de contacto de ACEM (981 240 985 / 677 477 495).