Ordes organiza o Samaín Camp do 31 de outubro ao 4 de novembro
O Concello de Ordes organizou o "Samaín Camp", un campamento destinado a nenos e nenas escolarizados de entre 3 e 12 anos, co gallo da festividade de Samaín. Este evento celebrarase os días 31 de outubro e 4 de novembro, ofrecendo un espazo lúdico e educativo onde os máis pequenos poderán gozar de diversas actividades.
O campamento desenvolverase nos colexios de Campomaior e Mesón do Vento o 31 de outubro, cun prezo de 4 euros. No CEIP Castelao, as xornadas serán tanto o 31 de outubro como o 4 de novembro, cun custo de 8 euros. Ademais, as familias numerosas poderán beneficiarse dun desconto do 50%.
Entre as actividades programadas destacan os xogos deportivos, os xogos tradicionais, as sesións de música e movemento, así como os obradoiros de manualidades. A organización lembra aos participantes que non esquezan traer o seu disfrace máis terrorífico para celebrar o espírito do Samaín.
As inscricións estarán abertas ata o 29 de outubro no Departamento de Educación do Concello de Ordes. Os interesados poden obter máis información ou facer as súas consultas a través do número de teléfono 981 680 002 (ext. 3).