Oleiros presenta a nova programación de ocio xuvenil para o mes de outubro
O Concello de Oleiros abre o prazo de inscrición para a programación de outubro nas Casas da Mocidade As Pedras e Portaberta, dirixida a mozos e mozas de entre 14 e 30 anos. Baixo o lema #NoctambOleiros, ofreceranse unha serie de actividades que inclúen obradoiros, saídas, torneos e encontros, entre outras propostas.
Entre as opcións destacan un obradoiro de cociña temática polo Samaín, un paseo en bicicleta, un torneo de billar brasileiro e unha saída de sendeirismo a Monfero. Ademais, organizarase un encontro de mocidade voluntaria, actividades como mociRadio e unha velada especial de Samaín. Para os interesados na arte, haberá tamén un obradoiro de iniciación ao debuxo.
As inscricións xa están abertas desde o 23 de setembro, e pecharán o domingo previo a cada actividade. Para máis información e rexistro, as persoas interesadas poden visitar o sitio web centrosmocidadeoleiros.wordpress.com ou contactar a través dos teléfonos e correos electrónicos das Casas da Mocidade.