Sociedade

As actividades, impartidas na escola O Castaño en Perillo, terán lugar nas tardes dos venres ata xuño

O Concello de Oleiros informa de que aínda quedan prazas dispoñibles para os obradoiros artísticos de graffiti e gravado dirixidos a nenos e mozos. Estas actividades, deseñadas para estimular a creatividade e o talento artístico, terán lugar nas tardes dos venres na escola O Castaño, en Perillo, e desenvolveranse ata o mes de xuño.

As persoas interesadas en participar poden obter máis información contactando co departamento de cultura do Concello de Oleiros a través do correo electrónico cultura@oleiros.org ou do teléfono 981 610000.