Oleiros inaugura o vindeiro sábado o paseo de Iñás e Nós
![Imaxe do cartel da inauguración do paseo en Oleiros](https://acorunaxa.com/wp-content/uploads/2024/07/Imaxe-do-cartel-da-inauguracion-do-paseo-en-Oleiros.jpg)
![](https://acorunaxa.com/wp-content/uploads/2024/07/paseo.jpg)
O Concello de Oleiros invita a todos os veciños e veciñas do municipio a participar o vindeiro sábado 27 de xullo no acto público de inauguración do paseo fluvial de 4,1 km creado nas parroquias de Iñás e Nós. Realizarase un percorrido pola senda que partirá da rúa Bergantiños, na zona de Decathlon, ás 17.00 horas.
Para realizar esta importante obra de recuperación medioambiental do rego de San Pedro, o Concello de Oleiros investiu 3.533.340,31 euros. Foi preciso expropiar 65 fincas, que suman 38.027 metros cadrados.
O Concello, a través da xestión urbanística, xa era propietario de 111.348 metros no entorno do trazado (Arenaza, Parque Natural de Iñás, Mesón da Auga e Bosque do Vilar). Por criterios subxectivos, nin a Xunta nin o Estado subvencionaron esta actuación de protección da natureza e de fomento da mobilidade sostible.
![paseo](https://acorunaxa.com/wp-content/uploads/thumbs/2024/07/paseo-200x250.jpg)