Oleiros alerta sobre un intento de estafa con falsos comerciais de colchóns
ACoruñaXa
O Concello de Oleiros pide extremar precaucións e denunciar á Garda Civil #ante posibles fraudes
31 Oct 2024
O Concello de Oleiros emitiu hoxe un aviso á poboación sobre un intento de estafa protagonizado por dous individuos que se fan pasar por comerciais dunha suposta empresa de colchóns. Estes presuntos estafadores diríxense a domicilios onde os residentes adquiriran previamente algún produto da compañía, coa intención de reclamar débedas inexistentes e pagos pendentes que en realidade non corresponden.
O Concello insta á cidadanía a extremar as precaucións fronte a estas prácticas fraudulentas e anima a presentar unha denuncia ante a Garda Civil se se detecta algún caso semellante. Con esta advertencia, as autoridades municipais buscan previr posibles vítimas e protexer á poboación ante este tipo de enganos.