Oleiros alerta do corte de tráfico da rúa Linneo en Santa Cristina durante un mes
ACoruñaXa
Os vehículos procedentes da Rúa Darwin serán desviados provisionalmente cara á Avenida de Santa Cristina a través da Avenida das Américas
2 Abr 2024
Debido ao avance das obras de acondicionamento da Rúa Linneo (Santa Cristina-Perillo), que se están a executar na actualidade, faise preciso proceder ao corte de tráfico en dita vía por un período aproximado de 1 mes.
O corte de tráfico efectuarase o próximo xoves, día 4 de abril. Deste xeito, os vehículos procedentes da Rúa Darwin serán desviados provisionalmente cara á Avda. de Santa Cristina a través da Avda. das Américas, que mudará temporalmente de sentido no tramo comprendido entre estas dúas vías.
O acceso aos garaxes existentes na rúa Linneo quedará garantido en todo momento e disporase da sinalización correspondente para guiar aos condutores nos casos puntuais de cambios de sentido ou cortes.