O Xantar de Nadal de Maiores de Arteixo será o 22 de decembro no Pazo dos Deportes
ACoruñaXa
Este luns comeza a venda de entradas por 6 euros no Centro A Baiuca
25 Nov 2024
O Concello de Arteixo abre hoxe, luns 25 de novembro, o prazo para a venda de entradas do Encontro de Maiores 2024, que terá lugar o domingo 22 de decembro no Pazo dos Deportes.
As entradas teñen un prezo de 6 euros e poderán adquirirse ata o venres 29 de novembro ou ata esgotar existencias. A recollida faise no Centro de Maiores A Baiuca, en horario de 9:00 a 13:30 horas. Cada persoa poderá recoller un máximo de 10 entradas, presentando o DNI, un xustificante de condición de pensionista ou prexubilado, e, para os matrimonios do ano 1974, o libro de familia.
O evento está dirixido a pensionistas maiores de idade, xubilados, prexubilados e aos seus cónxuxes empadroados en Arteixo.