Sociedade

A iniciativa 'Camiñamos' ofrece camiñatas gratuítas e abertas todos os martes pola mañá.

O grupo de Voluntariado de Oleiros organiza, a través do programa “Camiñamos”, paseos semanais os martes pola mañá, cunha duración aproximada dunha hora. Esta actividade, aberta a todas as persoas interesadas, é completamente gratuíta e non require inscrición previa.

As camiñatas teñen lugar de 11:00 a 12:00 horas, alternando entre dúas zonas principais: Santa Cruz e Perillo. Os puntos de encontro son o Parque Rosalía Mera para os paseos en Santa Cruz e a Praza Afundida en Santa Cristina para os de Perillo.

Con esta iniciativa, o Voluntariado de Oleiros busca promover un estilo de vida activo e fomentar o contacto coa natureza e a socialización entre os participantes.