O vindeiro sábado 4 de xaneiro a obra infantil 'Que raros son os fandisque' chega a Cecebre
ACoruñaXa
A compañía Disque Fan presenta un conto dramatizado para toda a familia o vindeiro sábado
26 Dec 2024
O Teatro de la Juventud de Cecebre será o escenario da obra 'Que raros son os fandisque', unha proposta de teatro infantil que promete facer as delicias dos máis pequenos e das súas familias. A compañía Disque Fan traerá esta peculiar historia dramatizada o vindeiro sábado, 4 de xaneiro, ás 18:00 horas.
Con texto e dirección a cargo de Sabela Tizón Iglesias e a tradución ao galego realizada por Lourdes Garrido Campos, esta obra convídanos a gozar dunha tarde máxica e diferente. A entrada será de balde ata completar o aforo.