O Teatro Colón acollerá en novembro os concertos polo 175º aniversario da Real Academia Galega de Belas Artes
O Teatro Colón converterase o próximo mes de novembro no escenario dos concertos conmemorativos do 175º aniversario da Real Academia Galega de Belas Artes. Os días 6, 7 e 8, a cidade da Coruña celebrará tres xornadas de música nas que participarán as principais agrupacións musicais locais. Entre elas, destacan Cántigas da Terra, a Coral Polifónica El Eco, a Coral Follas Novas, a Coral Sporting Club Casino, a Banda Militar, a Orquestra Sinfónica do Conservatorio Superior de Música e a Banda Municipal de Música.
O evento conta co apoio do Concello da Coruña, que, segundo indicou o concelleiro de Cultura e Turismo, Gonzalo Castro, busca seguir fortalecendo o compromiso coa preservación da cultura galega. “Estamos firmemente comprometidos con esta iniciativa, que non só celebra os 175 anos da Academia, senón tamén a longa tradición musical que enriquece a nosa cidade. É unha oportunidade para visibilizar o noso patrimonio musical e recoñecer o talento dos compositores galegos”, destacou Castro na presentación.
O comisario musical dos actos, Juan Durán, explicou que os concertos están inspirados no “Gran Festival de Gala” que a Academia organizou en 1949 no Teatro Rosalía de Castro para festexar o seu centenario. Naqueles momentos, as agrupacións históricas da Coruña interpretaron pezas de compositores galegos que foron membros da Academia, algo que tamén se verá reflectido nesta edición, ofrecendo un repertorio de grande valor cultural e histórico.
Felipe Senén, secretario da Real Academia Galega de Belas Artes, tamén estivo presente na presentación e destacou a importancia de proxectos como este para manter viva a memoria cultural do país. “Este evento serve para honrar o noso pasado e, ao mesmo tempo, proxectar o noso futuro, apostando pola creación e a interpretación musical de alta calidade”, comentou.
Programa completo
Mércores, 6 de novembro
Orquesta del Conservatorio Superior de Música de A Coruña
- Solista: Clara Jelihovschi Panas
- Director: Fernando Briones
- Repertorio:
• Rodrigo A. de Santiago: Marcha del Centenario
• Canción sobre textos de Rosalía de Castro: [Arreglo orquestal: Juan Durán]
• Eduardo Rodríguez-Losada: ¡Padrón!... ¡Padrón!
• Andrés Gaos: Rosa de abril
• Luis Taibo: Campanas de Bastabales
• José Baldomir: Mayolongo
• Juan Montes: Negra sombra
Coral Polifónica "El Eco" y Orquesta del Conservatorio Superior de Música de A Coruña
- Director: Pedro Martínez Tapia
- Repertorio:
• José Castro Chané: Os teus ollos [Letra de Manuel Curros Enríquez]
• González de Velasco: Tansoi o
• Rogelio Groba: Pandeirada da chuvia [Letra de Kety Quintana]
• Maximino Zumalave: Cada noite eu chorando [Letra de Rosalía de Castro]
• Santiago P. Bernal: Xan on se i canta
• Francisco Rey Rivero: Velaí vai
Xoves, 7 de novembro
Coral Polifónica del Sporting Club Casino
- Piano: Margarita Viso
- Director: Juan Berná Pérez
- Repertorio:
• Alberto Garaizábal: Virgen sin mancha [Letra de R. del Valle]
• José Baldomir: Santos e Meigas Nº3 Procesión; Nº5 Alalá [Letra de Linares Rivas]
• Margarita Viso: Levantous’a velida [Letra de Don Dinís]
• Juan Berná: Has de cantar [Letra de Rosalía de Castro]
Coral Polifónica "Follas Novas"
- Piano: Anna Mirzoyan
- Director: Fernando Vázquez Arias
- Repertorio:
• Mauricio Farto: La Espadela, Alborada [Letra de Leandro Carré]
• Manuel Fernández Amor: Alalá de Muxía
• Pascual Veiga: La escalera [Letra de C. Fernández]
• Fernando Vázquez Arias: Torre de Hércules
Unidad de Música del Cuartel General del Mando de Apoyo a la Maniobra
- Director: Comandante Iván Rodríguez Armán
- Repertorio:
• Ricardo Morales: Himno al Príncipe de Asturias
• Gustavo Freire: Airiños aires
• Hernán Naval: Lonxe do mar
• Bernardo del Río: Alenda de Montelongo [Suite]
• Enrique García Rey: Churrusqueira
Vernes, 8 de novembro
Coro "Cántigas da Terra"
- Director: Luis Bolón
- Repertorio:
• Adolfo Anta: Asega
• Tradicional [Recogida y armonización: Adolfo Anta]: Alalá de Santa Marta
• Tradicional [Recogida: M. Capelo Pato; Arreglo: Luis Bolón]: Canto de pandeiro do Pino
• Mauricio Farto: Eios de Sergude
• Tradicional [Recogida: Adolfo Anta]: Foliada de Cerdedo
Banda Municipal de Música de A Coruña
- Director: Juan Miguel Romero Llopis
- Repertorio:
• Marcial del Adalid: Galicia, Marcha Triunfal
• Gregorio Baudot: Lugo-Ferrol
• Luis Brage: Follas novas
• Canuto Berea: La Alfonsina [Trans. Nilo García Armas]
Coro "Cántigas da Terra" y Banda Municipal
- Repertorio:
• Tradicional [Recogida: Adolfo Anta; Arreglo: Luis Bolón]: Maneo de Ponteceso
• Emilio Corral [Arreglo: Luis Bolón]: Xeitosa
• Tradicional [Recogida: Xan Pena; Arreglo: Luis Bolón]: Foliada da Cruña
• Pascual Veiga [Arreglo: José Luis Represas]: Himno Galego [Letra de Eduardo Pondal]