O sábado 26 celébrase o IX Trofeo Concello de Oleiros de Natación Artística
ACoruñaXa
Na competición está prevista a participación de 252 nadadoras de diferentes clubs de toda Galicia
22 Abr 2024
A piscina da Facultade de Ciencias do Deporte e da Educación Física da Universidade da Coruña (INEF), situada en Bastiagueiro (Oleiros), acolle o vindeiro sábado 27 de abril o IX Trofeo Concello de Oleiros de Natación Artística.
Neste sentido, a competición desenvolverase en xornada de tarde, a partir das 16.00 horas, e está prevista a participación de 252 nadadoras de diferentes clubs de toda Galicia.
As categorías nas que se disputará o trofeo serán benxamín, prealevín, infantil e xuvenil.
O Club Acuátic Oleiros, con 110 nadadoras, exercerá como anfitrión dunha proba coa que o Concello de Oleiros pretende promocionar e fomentar esta especialidade deportiva.
