O PSOE de Arteixo pide activar o método CER para o control das colonias felinas
O Grupo Municipal Socialista de Arteixo instou ao goberno local a cumprir o acordo plenario de 2022 e implementar o método CER (Captura, Esterilización e Retorno) para as colonias felinas do municipio. Este sistema, avalado pola Lei de Benestar Animal, permite un control ético e sostible da poboación de gatos urbanos.
Outros concellos galegos como Ares, Miño, Ames ou Santiago xa aplican con éxito este método, que mellora o benestar dos animais, reduce conflitos veciñais e prevén problemas de saúde pública. O voceiro do grupo socialista, Martín Seco, lembrou que existen protectoras locais, clínicas veterinarias colaboradoras e voluntariado disposto a participar no proxecto.
Existen axudas estatais de ata 97.500 euros para proxectos de control poboacional de colonias felinas, polo que os recursos necesarios están ao alcance do municipio.
A posta en marcha do método CER permitiría non só controlar a poboación felina de forma ética, senón tamén favorecer a convivencia cidadá e o equilibrio ecolóxico, unha medida que, segundo os socialistas, beneficiaría ao conxunto da comunidade.