O PP de Culleredo denuncia a falta de limpeza nos centros escolares municipais
O Partido Popular de Culleredo denuncia que os centros escolares de primaria de Culleredo, dependentes do Concello, chegaron a un nivel de sucidade e insalubridade que pais e profesores aseguran, non se pode tolerar máis tempo: papeleiras desbordadas, chans pegañentos, baños atrancados, os mosquitos empezan a campar ás súas anchas…
Por elo, o PP acusa directamente o alcalde, José Ramón Rioboo, de chegar a esta situación. “O contrato leva caducado desde 2020, catro anos nos que se viu como a empresa incumpría cos seus traballadores, que cobraban tarde, mal e arrastro, e que isto provocaría protestas e medidas que afectarían á prestación do servizo, como así sucedeu. E mentres tanto, o alcalde, de brazos cruzados. Unha absoluta vergoña”, denuncia a portavoz popular, Izaskun García.
Obrigado polo acordo do pleno extraordinario solicitado polo Partido Popular en outubro para a licitación de todos os contratos caducados, Rioboo presenta os novos pregos de limpeza de edificios en abril. “De novo tarde, demasiado tarde, cando a empresa atópase xa ao bordo do ERTE como finalmente fixo o 27 de maio. Perdéronse seis meses que poderían evitar o que agora temos; colexios con serios problemas de hixiene e alumnos en perigo de insalubridade”, asevera a líder popular.
Os populares aseguran que a información que lles chega de parte dos pais e profesores dos CEIP de Culleredo é “realmente preocupante. A acumulación de po e sucidade poden derivar en inconvenientes que van moito máis alá dos malos cheiros ou a incomodidade de ver lixo por todas partes. Pode provocar alerxias, intoxicacións ou dificultades respiratorias en alumnos asmáticos”.
"Ademais, o problema agrávase a partir do martes día 25, que comezan os campamentos de verán, co que o servizo de limpeza faise especialmente necesario”, sinalan os populares con preocupación.
Na comisión de Presidencia de leste mesmo martes, o Partido Popular pediu explicacións aos concelleiros do goberno municipal socialistas de por que a empresa contratada de urxencia só realiza, no mellor dos casos, a limpeza dous días consecutivos á semana e só parcialmente.
“A falta de preocupación e de compromiso por parte do alcalde é tan evidente que nin asistiu á comisión. Un tema tan grave como o da saúde dos escolares de Culleredo e auséntase. Claro que tampouco ningún dos seus concelleiros soubo concretar datas nin medidas para acabar con esta situación. Un auténtico despropósito”, sentencian desde o grupo popular.