O PP de Betanzos insta ao Concello a facer un control sobre as atracciones instaladas para o San Roque
A portavoz do Partido Popular en Betanzos, Cecilia Vázquez, solicitou ao Concello que leve a cabo un control rigoroso da documentación e do estado das atraccións instaladas na cidade con motivo das festas de San Roque, tras o trágico accidente que custou a vida a un veciño de Vigo.
Vázquez lamentou profundamente o falecemento da vítima e destacou a importancia de reforzar os protocolos de seguridade para garantir o benestar dos usuarios das atraccións. Aínda que a lexislación vixente establece inspeccións rigorosas, a portavoz popular considera que é crucial que a supervisión da colocación, funcionamento e acceso a estas atraccións sexa a máis exhaustiva posible.
A representante do PP recordou que a atracción implicada no accidente, coñecida como o saltamontes, contaba cun permiso válido e superara a revisión técnica correspondente. Neste contexto, Cecilia Vázquez tamén expresou o seu máis sentido pésame á familia e amigos da vítima, subliñando a necesidade de extremar as precaucións para evitar futuros incidentes.