O PP de Betanzos acusa ao Goberno local de eludir a súa responsabilidade no mantemento do porto
O Partido Popular de Betanzos criticou este martes á alcaldesa, María Barral, polas explicacións que, ao seu xuízo, está a ofrecer para evitar asumir a responsabilidade municipal sobre o mantemento da contorna do porto. A formación asegura que esa obriga está recollida no convenio asinado en 2008 entre o Concello e Portos de Galicia.
A portavoz popular, Ceci Vázquez, afirma que o Goberno local chegou inicialmente a poñer en dúbida a existencia dese acordo e que agora cuestiona a súa vixencia para non asumir as tarefas de conservación da zona.
Segundo explica, a Xunta de Galicia xa apelou en 2023 á validez do convenio nunha comunicación remitida ao Concello na que instaba ao executivo local a “asumir su deber y corregir las deficiencias” que presentaba o paseo do porto.
Ceci Vázquez sostén que “por mucho que la alcaldesa se empeñe en cuestionar la validez, el contenido del convenio no deja lugar a dudas y, si el Concello de Betanzos quiere extinguir el acuerdo, lo primero que tiene que hacer es dejar las instalaciones en perfectas condiciones”.
A portavoz do PP tamén lamenta que o Goberno municipal, na súa opinión, estea “más centrado en echar balones fuera que en dialogar y buscar soluciones para hacer del paseo del puerto la zona atractiva que Betanzos merece”.