O PP da Coruña presenta moción para cesar ao portavoz do Goberno local Lage Tuñas como portavoz por mentir no Pleno
O portavoz do Grupo Popular da Coruña, Miguel Lorenzo, anunciou que presentou unha moción para o Pleno do xoves na que insta a Inés Rey “a retirar a Portavocía do Goberno municipal a Lage Tuñas por mentir” reiteradamente no Pleno a todos os coruñeses.
“Quen se atreve a mentir en público a todos os coruñeses non ten credibilidade para ser o portavoz dun goberno”, afirma Lorenzo.
O 3 de abril, tras revisar os expedientes urbanísticos relacionados co inmoble de Avenida do Exército, 96, 1º, propiedade do Portavoz municipal e concelleiro de Urbanismo, José Manuel Lage Tuñas, o PP rexistrou solicitude para que comparecese no Pleno, por facer obras sen licenza.
No Pleno do 11 de abril prodúcese dita comparecencia, na que Miguel Lorenzo demostrou que Lage Tuñas realizou ditas obras sen licenza, “cun informe da Policía municipal, que conta presunción de veracidade, do 27 de xaneiro, no que se recolle que se estaban realizando obras de reforma sen licenza, e un informe dun inspector municipal de disciplina urbanística, con data 4 de marzo, que afirma que as obras estaban rematadas dous días antes de que lle concedesen licenza”.
Durante a súa intervención, “Lage Tuñas negou en todas as súas intervencións que realizase ditas obras e mesmo o fixo cando xa se mostraron publicamente os dous informes e, por tanto, mentiu a todos os coruñeses”, sinalou Lorenzo.
Tras esta comparecencia, solicitamos publicamente que a alcaldesa, que ata ese momento defendéralle “quizá porque descoñecía eses informes” ao afirmar que-“non consentirei que ningún concelleiro do meu goberno teña algunha actitude que non se adecúe ao debido comportamento dun responsable público”, depurase responsabilidades polas obras sen licenza e por mentir.
Indican que Inés Rey afirmou entón que o asunto xa se rematara e o PP lembroulle que o único terminado eran as obras ilegais. E así foi. “A remodelación do Goberno do 15 de xuño incluíu a retirada a Lage Tuñas das competencias urbanísticas que solicitaramos recoñecendo que tiñamos razón”.
Pero non se entende que Inés Rey manteña na portavocía do Goberno municipal a un concelleiro que mentiu no Pleno a todos os coruñeses, “aínda máis grave que realizar as obras sen licenza tendo as competencias urbanísticas”, destaca o Popular.
Por todo iso, o PP rexistrou unha moción para que Inés Rey retire a Portavocía do Goberno a Lage Tuñas por mentir no Pleno a todos os coruñeses.