O PP da Coruña preguntará no pleno polos retrasos do Concello na tramitación das licenzas urbanísticas
O Grupo Popular vén de rexistrar unha pregunta oral dirixida á alcaldesa Inés Rey polos atrasos inasumibles cos que o servizo de Urbanismo segue tramitando as licenzas de obra e que medidas adoptou para axilizalas fronte o malestar dos coruñeses.
Dende a formación política sinalan que A Coruña foi a cidade galega que tramitou menos licenzas de obra nova en 2023, só 17, como reflicten os datos do Instituto Galego de Estatística (IGE), o que provoca que moitas persoas, sobre todo novas, vaian vivir a concellos limítrofes, así como o traslado de investimentos a outros concellos.
As licenzas para a instalación de ascensores en edificios para mellorar a accesibilidade poden demorarse máis dun ano e medio, cos trastornos para as persoas con problemas de mobilidade e para as pequenas empresas que realizan estas obras.
Apuntan que é necesario mellorar a atención aos cidadáns en Urbanismo, unificar os criterios de interpretación das normativas e crear unha plataforma que permita seguir con total transparencia o estado de tramitación dos expedientes por parte dos solicitantes.