O PP da Coruña acusa ao PSOE e ao BNG de ser "cómplices e socios necesarios neste desgoberno"

A Coruña

ACoruñaXa

O Partido Popular da Coruña sinalan que dende o primeiro momento dixeron que o acordo entre o PSOE e o BNG non era máis que papel mollado

O voceiro do PP no Concello da Coruña, Miguel Lorenzo

8 Mar 2024

O portavoz do PP na Coruña, Miguel Lorenzo, denunciou este venres, despois da sesión do pleno municipal celebrada o pasado xoves, un paripé levado ao cabo polos conselleiros e conselleiras do PSOE e do BNG. “No Pleno vivimos un novo paripé entre os dous partidos. Os nacionalistas facendo que ameazan aos socialistas con romper o pacto e aos socialistas dicindo que cumprirán o que non cumpriron nin van cumprir”, sinalou.

O popular tamén recalca que, ao ver do seu partido, "o discurso do BNG no Pleno de onte non se entendeu. Por unha banda votou a favor do pago de 1,7 millóns de euros a unha gran compañía eléctrica a pesar de que o interventor di no seu informe que esas facturas teñen dobre motivo de nulidade e logo queixándose do atraso de meses en pagar a pequenos provedores da cultura pero sen facer nada para que lles paguen” .

Neste sentido o voceiro sinala que “o BNG dixo onte que é unha oposición leal e lembreilles que non é oposición, é cómplice deste desgoberno municipal. Son os que o sosteñen e apóianlles en todo, mirando para outro lado fronte os problemas dos coruñeses”.

O Partido Popular sinala que dende o primeiro momento dixeron que o acordo entre o PSOE e o BNG non era máis que papel mollado porque indican que os socialistas ían firmar calquera cousa con tal de que o PP non puidese gobernar na cidade.

“Temos un goberno que non escoita nin resolve nin soluciona os problemas da cidade que padecen os veciños, como inseguridade, sucidade, falta de mantementos ou de execución do orzamento nos barrios, porque no devandito pacto non hai propostas sobre estes temas”, apuntou.

Miguel Lorenzo, tamén quixo aproveitar para lembrar os resultados acadados polo PP da Coruña nas eleccións autonómicas do pasado 18 de febreiro: "Os coruñeses nas eleccións autonómicas han volto a falar claro: logramos 40.000 votos máis que o Goberno municipal socialista, que perdeu a metade dos seus votos en apenas nove meses. Foi unha censura total á maneira de gobernar de Inés Rey”.