O movemento pensionista reunirá en Santa Cruz voces de todo o Estado
Santa Cruz será os días 6 e 7 de maio punto de encontro para xubilados e pensionistas chegados de distintos lugares do Estado. As xornadas celebraranse no auditorio das Torres e terán como obxectivo achegar posturas, compartir reivindicacións e avanzar en alianzas arredor da defensa dos dereitos das persoas pensionistas.
Os actos principais comezarán o mércores 6 de maio ás 11.00 horas, mentres que a sesión do xoves 7 arrancará ás 10.00 horas. Ao longo das dúas xornadas desenvolveranse coloquios e debates nos que está prevista a participación de diferentes colectivos, ademais de persoas que acudirán a título individual.
A organización concibe este encontro como un espazo de diálogo e coordinación para reforzar as demandas do movemento pensionista e reclamar que se garantan os dereitos das persoas xubiladas e pensionistas.
O acceso será libre para calquera persoa interesada en asistir. Quen desexe obter máis información pode chamar ao teléfono 619 199 904.