O historiador Alberto Valín Fernández presenta este martes na Coruña o seu último libro
Portas Ártabras, o espazo de cultura de Amigos dos Museos de Galicia, acollerá este martes 17 de decembro ás 20.00 horas a presentación do libro 'Masonería y conspiración liberal en España. A Coruña, un ejemplo primordial y paradigmático', do historiador Alberto Valín Fernández. O evento terá lugar no número 22 da rúa Sinagoga, en pleno casco histórico da cidade herculina.
Na cita, ademais do autor, participarán Xurxo Lobato e Felipe-Senén, dous nomes destacados da cultura galega, que acompañarán a Valín Fernández na análise dunha obra que achega unha perspectiva histórica sobre a evolución da masonería en España, tomando A Coruña como exemplo paradigmático.
Segundo Valín Fernández, o libro reflicte “como se desenvolveu historicamente a masonería española desde o seu nacemento ata o seu tráxico final durante a Guerra Civil española iniciada en 1936”. A obra destaca pola súa análise do papel da cidade da Coruña como epicentro de certas conspiracións liberais e como un exemplo representativo no desenvolvemento histórico desta corrente.
A entrada ao acto será libre ata completar o aforo, convertendo a presentación nunha cita aberta para os interesados na historia, na política e nos movementos culturais e sociais da España contemporánea.