O Goberno local de Curtis propón ao pleno da corporación municipal que se solicite á Deputación da Coruña a licitación do proxecto de ampliación e mellora da vía provincial DP-3201, que abarca desde o cruce coa AC-231 ata Santaia e a Carregosa.
A situación actual deste tramo da vía DP-3201 é realmente crítica, como demostran as fotografías adxuntas. A intervención require unha urxencia máxima debido á problemática que afecta á circulación. Este tramo soporta un alto volume de tráfico, incluíndo vehículos pesados e maquinaria agrícola procedente das explotacións e da cooperativa Cusoviame S.C.G., que conta con máis de 500 socios, ademais dos veciños e usuarios da zona.
É imprescindible que a Deputación da Coruña leve a cabo esta actuación con a maior brevidade posible, considerando o estado deficiente da vía, o ancho insuficiente que impide a circulación segura de dous vehículos pesados simultaneamente e o risco diario que supón para todos os usuarios.
