O Consorcio das Mariñas convoca a XII Andaina en Betanzos contra a violencia

A marcha será o sábado 29 de novembro ás 11.00 horas con saída da praza Irmáns García Naveira

O Consorcio As Mariñas celebrará a XII Andaina contra a violencia de xénero para conmemorar o 25N e reforzar a conciencia social fronte a esta lacra. O lema desta andaina é'Ante a violencia de xénero As Mariñas di NON'. A cita terá lugar o sábado 29 de novembro ás 11.00 horas con saída desde a praza Irmáns García Naveira, en Betanzos.

O itinerario será urbano, circular e de dificultade baixa, cun total de 5 km. A inscrición realizarase no propio punto de partida media hora antes do inicio da marcha. Ao remate do traxecto, previsto arredor das 12.15 horas, o presidente do Consorcio As Mariñas, José Antonio Santiso Miramontes, dará lectura ao manifesto do 25 de novembro.